ՄԻՋՈՑԱՌՈՒՄՆԵՐ

Խորեն Գասպարյան - 60

Նոյեմբերի 18-ը Լոռու մարզային գրադարանում այս անգամ առանձնացավ յուրովի : Գրադարանն իր հարկի տակ հյուրընկալեց բանաստեղծ, թարգմանիչ, գրողների միության անդամ, արժանապատիվ ՄԱՐԴ եւ  քաղաքացի Խորեն Գասպարյանին:

Շրջայց Լոռու մարզային գրադարանում

Նոյեմբերի 18-ին Լոռու մարզային գրադարան էին այցելել Գյուղատնտեսական քոլեջի ուսանողները՝ մեթոդիստ, կրթության որակի պատասխանատու Ռ. Բաղդասարյանի ուղեկցությամբ: Ուսանողները շրջեցին եւ ծանոթացան գրադարանի բաժիններին եւ դրանցից օգտվելու կարգին: Նրանք «Մեդիագրագիտության շաբաթ» ծրագրի շրջանակներում խոսեցին մամուլից՝ որպես զանգվածային տարր, որն ուղղված է լայն հասարակությանը կամ թիրախային խմբերին նորություն հաղորդելուն: Նրանք տեղեկացվեցին, որ մամուլի մեջ մտնում է տպագիր մեդիան (թերթեր, հանդեսներ), նորությունների հեռարձակումը (ռադիո, TV), համացանցը:

«Մատենագիտության բաժնի աշխատանքների մասին» խորագրով առցանց սեմինար

Նոյեմբերի 17-ին Ավ. Իսահակյանի անվան Կենտրոնական գրադարանում տեղի ունեցավ «Մատենագիտության բաժնի աշխատանքների մասին» խորագրով առցանց սեմինար-պարապմունք, որին մասնակցեցին մարզային գրադարանների ներկայացուցիչներ, Լոռու, Սյունիքի, Տավուշի մարզային գրադարանների տնօրեններ Կարինե Հակոբյանը, Լիանա Գասպարյանը և Անահիտ Ղուկասյանը։
Սեմինար-պարապմունքը բացեց Իսահակյան գրադարանի Գիտական աշխատանքների գծով փոխտնօրեն Ռուզաննա Բարսեղյանը։

«Օգնիր ինձ տեսնել». աշխատանքը կույր եւ տեսողական խնդիրներ ունեցող երեխաների հետ

«Կույր մարդը կույր չէ: Նա պարզապես այլ կերպ է տեսնում»:   Մարիոն Գիթցել
Նոյեմբերի 3-ին Լոռու մարզային գրադարանի հյուրն էր հաշմանդամ, հենաշարժողական խնդիրներ ունեցող, կույր, լսողական, հոգեկան խանգարումներ ունեցող երեխաների ուսուցչուհի, լրացուցիչ նաեւ՝ կրոնի ուսուցչուհի, 2021 թվականից՝ բանաստեղծուհի Նաիրա Քոչարը:

Այց Սուսաննա Օհանյանի արվեստանոց

Հոկտեմբերի 20-ին Լոռու մարզային գրադարանի աշխատակիցներն այցելեցին Ս. Օհանյանի   արվեստանոց: Վերջինս  ներկայացրեց իր գեղեցիկ եւ բազմաբովանդակ փայտե  աշխատանքները: Արվեստանոցի այցելուներին դիմավորեցին  Թումանյանի հերոսներն ու կերպարները՝ Անուշը , Կիկոսը, Ձախորդ Փանոսը, Ծիտը, Անհաղթ աքլորը …: Նրա բանաստեղծությունները եւս արժանացան ուշադրության: Հնչեցին բազմաբնույթ հարցեր, որոնց Ս. Օհանյանը տվեց սպառիչ եւ հագեցած պատասխաններ: