Հոկտեմբերի 19-ին Լոռու մարզային գրադարանում հյուրընկալվեցին Վանաձորի թիվ 1 դպրոցի IV բ դասարանի աշակերտները (դասղեկ՝ Ա. Զադոյան): Նրանք ներկայացրեցին Աթաբեկ Խնկոյանի կենսագրությունը, ասմունքեցին հեղինակի բանաստեղծություններից եւ բեմականացրին Խնկո Ապոր առակներից: Մանկագիր հեղինակն այսօր կդառնար 151 տարեկան:

Հոկտեմբերի 13-ին Լոռու մարզային գրադարանում կազմակերպվեց  «Զորավիգ» թերթի քննարկումը: Թերթի գլխավոր խմբագիր Հովհ. Սարդարյանը նշեց, որ սկզբում թերթը լույս է տեսել գյուղում, ապա մարզային ընդգրկում է ստացել: «Զորավիգ»-ը տպագրվում է տարվա մեջ չորս  անգամ՝ Մարգահովիտի  «Զորավիգ» հասարակական ընկերության հովանավորությամբ , հանրապետության միակ տպարանային արտադրության գյուղական թերթն է՝ կայուն պարբերականությամբ:

Հոկտեմբերի 12-ին Լոռու մարզային գրադարանում հյուրընկալվեցին Հայաստանի Ազգային գրադարանի, Սպիտակի, Ստեփանավանի Տաշիրի համայնքային գրադարանների աշխատակիցները:
Լաուրիե Ալվանդյանը անցկացրեց սեմինար «Շարժվելով առաջ. Հայաստանի ապագա գրադարանները » թեմայով: Նա կարեւորեց գրադարանի եւ համայնքի համագործակցության դերը, մեդիագրագիտությունը, գրադարանում ավելի խելացի, առողջ միջավայր ստեղծելու անհրաժեշտությունը եւ այլն:

Հոկտեմբերի 9-ին Լոռու մարզային գրադարանի հյուրն էր Կոմիտասի թանգարան- ինստիտուտի գիտական բաժնի ղեկավար Տաթեւիկ Շախկուլյանը: Վերջինս ներկայացրեց «Հայ երաժշտությունը եւ Կոմիտաս» թեմայով դասախոսություն:
Ընթերցվեց հատված Պ. Սեւակի «Անլռելի զանգակատուն» պոեմից, իսկ Ս. Թեւոսյանի անվան պետ. պոլիտ. քոլեջի ուսանողներ Թ. Սիմոնյանը եւ Ա. Պողոսյանը կատարեցին Կոմիտասի երգերից:
Հանդիպման վերջում ներկաներն ուղղեցին իրենց հետաքրքրող հարցեր եւ ստացան սպառիչ պատասխաններ: