Այսօր Լոռու մարզային գրադարանում հունիսմեկյան ուրախ տրամադրություն էր։ Երեխաների պաշտպանության միջազգային օրը շնորհավորելու էր եկել նրանց սիրելի հերոսը։
Աշխարհի բոլոր մանուկներին ցանկանում ենք ուրախ մանկություն, անհոգ ժպիտներ և խաղաղ երկինք։
ՄԻՋՈՑԱՌՈՒՄՆԵՐ
Մայիսի 16֊ին Լոռու մարզային գրադարանի Մանկական բաժնում մայիսյան հաղթական տոներին նվիրված ուսուցողական միջոցառմամբ հանդես եկան Վանաձորի թիվ 1 հիմնական դպրոցի 7֊րդ Ա եւ 7֊րդ Գ դասարանների աշակերտները (ռուսաց լեզվի ուսուցչուհիներ՝ Նատալյա Միխայլովնա եւ Սուսաննա Սերգեեւնա)։ Միջոցառման ավարտին Լոռու մարզային գրադարանի տնօրեն Կարինե Հակոբյանի կողմից մանկավարժներին հանձնվեցին շնորհակալագրեր։
Մայիսի տասին Լոռու մարզային գրադարանում տեղի ունեցավ գրադարանի աշխատակից, բանաստեղծ Ռաֆ Բարաթյանի պոեզիային նվիրված միջոցառում։ Ներկա էին արվեստագետներ, դասախոսներ, ուսանողներ գրադարանի աշխատակիցներ։
Միջոցառումը վարում էր գրադարանի աշխատակից Կարեն Մանուչարյանը։ Բացման խոսքում նա նշեց, որ այս միջոցառման նպատակը Ռաֆ Բարաթյանի բանաստեղծական դիմանկարի մասին որոշակի պատկերացում ձևավորելն է ընթերցողների մոտ։
Մայիսի 5-ին Լոռու մարզային գրադարանում կազմակերպված հանդիսությունը նվիրված էր անվանի պարուսույց, մանկավարժ Լյովա Դերձյանի 70-ամյակին։ Վարպետի մասին խոսքեր ասացին Սամվել Խալաթյանը, Գագիկ Աղաբաբյանը, Յուրա Ղուլյանը, Նոբել Էմինյանը, Ֆլորա Ասոյանը, Արայիկ Գևորգյանը, Մարինե Հարությունյանը, Ծովինար Դավթյանը։
Այսօր ճանաչողական այցով Լոռու մարզային գրադարանի Մանկական բաժնում էին «Մխիթարյան գիտելիքի կենտրոն» նախակրթարանի սաները (տնօրեն՝ Նաիրա Մխիթարյան, դասվար՝ Անի Պետրոսյան)։ Բաժնի նկարազարդ գրքերին ծանոթանալուց հետո փոքրիկները գործնականում ծանոթացան իրենց համար նախատեսված հետաքրքրական զարգացնող խաղերին, իսկ ապա ունկնդրեցին Հովհ. Թումանյանի «Շունն ու կատուն» բալլադը եւ դիտեցին «Պույ-պույ մկնիկը» մուլտֆիլմը։