Փետրվարի տասներկուսին Լոռու մարզային գրադարանում տեղի ունեցավ Հրանտ Մաթևոսյանի ծննդյան օրվան նվիրված միջոցառում, որը նախաձեռնել էր ՀԳՄ ԼՄ բաժանմունքը։ Միջոցառումը վարում էր դերասան, ասմունքող Ջիվան Սարգսյանը։
Ողջույնի խոսքով հանդես եկավ գրադարանի նորանշանակ տնօրեն Հեղինե Հալիվորյանը։ Նա շնորհակալություն հայտնեց բոլոր հյուրերին, ՀԳՄ ԼՄ բաժանմունքին և հույս հայտնեց, որ վերջինիս հետ համագործակցությունը կլինի շարունակական։
Հունվարի 24-ին Լոռու մարզային գրադարանում տեղի ունեցավ Պարույր Սևակի 100-ամյակին նվիրված միջոցառում։ Բանախոսներն էին Վանաձորի պետական համալսարանի դասախոս, բանասիրական գիտությունների թեկնածու, դոցենտ Գայանե Մալումյանը և գրադարանի աշխատակից Կարեն Մանուչարյանը։ Ներկա էին դասախոսներ, ուսանողներ, գրադարանի ընթերցողներ, գրականությամբ հետաքրքրվող անձինք։
Նոյեմբերի 24 -ին մեկնարկեց «Մի Բուռ աշուն» փառատոնը։ Ներկա էին Վանաձորի թիվ 1, 2, 3, 4, 6, 12, 20 դպրոցների աշակերտներն ու աշխատակիցները։ Նրանք դիտեցին Հր. Մաթևոսյանի Աշնան Արև ֆիլմը։
Լոռու մարզային գրադարանի աշխատակից գրականագետ Կարեն Մանուչարյանի հետ կայացավ քննարկում, կերպարային վերլուծություն։ Հանդիպումը ուսուցողական էր ու բովանդակալից։
Նոյեմբերի 14-ին համագործակցության շրջանակներում Լոռու մարզային գրադարան /Lori Regional Library ի մի խումբ աշխատակիցներ այցելեցին ՆՁԱԿ-ի Գիտատեխնիկական գրադարանի Վանաձորի մասնաճյուղ։
Շնորհակալ ենք ջերմ ու բովանդակալից ընդունելության համար։ 