Մայիսի 5-ին Լոռու մարզային գրադարանում կազմակերպված հանդիսությունը նվիրված էր անվանի պարուսույց, մանկավարժ Լյովա Դերձյանի 70-ամյակին։ Վարպետի մասին խոսքեր ասացին Սամվել Խալաթյանը, Գագիկ Աղաբաբյանը, Յուրա Ղուլյանը, Նոբել Էմինյանը, Ֆլորա Ասոյանը, Արայիկ Գևորգյանը, Մարինե Հարությունյանը, Ծովինար Դավթյանը։

Այսօր ճանաչողական այցով Լոռու մարզային գրադարանի Մանկական բաժնում էին «Մխիթարյան գիտելիքի կենտրոն» նախակրթարանի սաները (տնօրեն՝ Նաիրա Մխիթարյան,  դասվար՝ Անի Պետրոսյան)։ Բաժնի նկարազարդ գրքերին ծանոթանալուց հետո փոքրիկները գործնականում ծանոթացան իրենց համար նախատեսված հետաքրքրական զարգացնող  խաղերին, իսկ ապա ունկնդրեցին Հովհ. Թումանյանի «Շունն ու կատուն» բալլադը եւ դիտեցին «Պույ-պույ  մկնիկը» մուլտֆիլմը։

Ապրիլի 25֊ին Լոռու մարզային գրադարանի Մանկական բաժնի հյուրերն էին Վանաձորի թիվ 1 հիմնական դպրոցի 6֊րդ Ա դասարանի աշակերտները (դասղեկ՝ հայոց լեզվի եւ գրականության ուսուցչուհի Լիլիթ Մարտիրոսյան)։

Ապրիլի 25֊ին Լոռու մարզային գրադարանի Մանկական բաժինը հյուրընկալեց Վանաձորի թիվ 33 մանկապարտեզի ավագ խմբի սաներին (դաստիարակ՝ Սյուզաննա Հովհաննիսյան)։ Չափազանց հագեցած ճանաչողական այցի ընթացքում փոքրիկները ծանոթացան բաժնի գունեղ նկարազարդ գրքերին, ունկնդրեցին «Երեք խոզուկները» հեքիաթը, դիտեցին «Անբան Հուռին» մուլտֆիլմը եւ մեծ հետաքրքրությամբ գործնականում ծանոթացան իրենց համար նախատեսված բազմատեսակ ժամանակակից զարգացնող խաղերի։