Չկա ավելի հեշտ բան, քան սովորական կնոջը բացառիկ կին դարձնելը։ Բավական է սիրել նրան:
Սովաժոն
Կանանց միամսյակի առթիվ այսօր Լոռու մարզային գրադարանում հյուրընկալվել էին Վանաձորի տարբեր հաստատությունների աշխատակից կանայք, որոնք մեծարվեցին գեղեցիկ գրական-երաժշտական ցերեկույթի շրջանակներում։
ՄԻՋՈՑԱՌՈՒՄՆԵՐ
Մայրության եւ գեղեցկության տոնին ընդառաջ Լոռու մարզային գրադարանի Մանկական բաժնում իրենց արտադասարանային ժամն անցկացրեցին Վանաձորի թիվ 6 հիմնական դպրոցի 2֊րդ Ա դասարանի աշակերտները(դասվար՝ Անուշ Առաքելյան)։ Երեխաները հանդես եկան ասմունքով եւ երաժշտական կատարումներով, իսկ հետո մեծ ոգեւորությամբ իրենց մայրիկների համար պատրաստեցին շնորհավորական բացիկներ Մանկական բաժնի գրադարանավարուհիներ Նարինե Ադամյանի եւ Հռիփսիմե Թումանյանի աջակցությամբ։
Լոռու մարզային գրադարանի նախաձեռնությամբ մեկնարկել է «Մուսաների ծառաներ» շարքը , որի շրջանակներում գրադարանը պարբերաբար կհյուրընկալի վանաձորցի հայտնի մշակույթի գործիչներին և արվեստագետներին։
Նախաձեռնության մեկնարկը տրվեց այսօր. Գագիկ Աղաբաբյանը գրադարանի առաջին հյուրն էր։
«Հավասար իրավունքներ, հավասար հնարավորություններ» հկ-ի հետ համագործակցության շրջանակներում այսօր Վանաձորի ՀԿ կենտրոնում տեղի ունեցավ «Ի՞նչ, որտե՞ղ, ե՞րբ» անդրանիկ խաղը, որին մասնակցում էին Լոռու մարզային գրադարանի և Ereo անկախ կյանքի ռեսուրս կենտրոնի շահառուների թիմերը։