ՄԵՆՔ ՄԵՐ ԶԻՆՎՈՐԻ ԿՈՂՔԻՆ ԵՆՔ
Հայկական զինված ուժերում ծառայություն իրականացնող զինվորը պետք է զգա ու գիտակցի, որ ողջ հասարակությունն իր թիկունքում է: Պատերազմական այս օրերին ռազմաճակատում կռվող զինվորի կողքին են նաև Լոռու մարզային գրադարանի աշխատակիցները, ովքեր իրենց հասարակական աշխատանքով փորձում են զինվորներին փոխանցել նրանց հանդեպ ունեցած ջերմությունն ու հոգատարությունը:
Տոնդ շնորհավոր գրադարանավար
Հարգելի՛ գրադարանավարներ
Շնորհավորում ենք Ձեզ մասնագիտական տոնի առթիվ։
Կոչ ենք անում բոլոր գրադարաններին միանալ մեզ և ներդրում ունենալ Արցախի սահմանների պաշտպանությանը։
Ձեր հանգանակությունը կարող եք կատարել Հայաստան Համահայկական Հիմնադրամի կայքի՝ https://www.himnadram.org/hy կամ 8000 կարճ համարին sms հաղորդագրության միջոցով:
Անկախության տոնը Լոռու մարզային գրադարանում
Անկախության տոնը Հայաստանում նշվում է ամեն տարի սեպտեմբերի 21-ին։ Այն Հայաստանի պետական և ազգային տոներից մեկն է, որին անդրադարձել է նաև Լոռու մարզային գրադարանը՝ կազմակերպելով միջոցառում և ցուցադրություն :
Ցուցահանդես՝ նվիրված Աղասի Այվազյանի 95-ամյակին
Աղասի Այվազյանը ծնվել է Վրացական ԽՍՀ Աբասթուման ավանում։ Սովորել է Թբիլիսիի գեղարվեստի ակադեմիայում (1942), Թբիլիսիի պետական համալսարանի բանասիրական ֆակուլտետում, Երևանի գեղարվեստա-թատերական և ֆիզիկական կուլտուրայի ինստիտուտներում (1945-1948)։ Տարբեր հիմնարկություններում աշխատել է որպես նկարիչ-մուլտիպլիկատոր, գծագրող, կոնստրուկտոր, լրագրող։ 1965-1973 թվականներին եղել է «Գրական թերթի» արձակի բաժնի վարիչը, 1973-1981 թվականներին՝ «Էկրան» ամսագրի գլխավոր խմբագիրը։ Որպես ռեժիսոր աշխատել է «Հայֆիլմ» կինոստուդիայում։ 1967 թվականին «Հայֆիլմ» կինոստուդիայում նրա սցենարով նկարահանվել է Եռանկյունի (Ֆիլմ) կինոնկարը, որը երկրորդ մրցանակ է ստացել 1968 թվականի լենինգրադյան համամիութենական փառատոնում։ 90-ականների սկզբին խմբագրել է «Հայություն» շաբաթաթերթը։
FLEX շնորհանդես Վանաձորի ամերիկյան անկյունում
Սեպտեմբերի 10-ին Վանաձորի ամերիկյան անկյունը կազմակերպեց առցանց շնորհանդես «Ապագա առաջնորդների փոխանակման ծրագրի» (FLEX) վերաբերյալ: Իսկ ահա Սեպտեմբերի 11-ին անկյունը հյուրընկալեց FLEX ծրագրի շրջանավարտներ Անուշ Մարգարյանին, Նորայր Ամիրխանյանին և Լուսինե Ավետիսյանին, ովքեր ղեկավարեցին շնորհանդեսը:
ԱՄՆ Դեսպան Լին Մ․ Թրեյսի այցը Լոռու մարզային գրադարան
Սեպտեմբերի 9-ին Լոռու մարզային գրադարանը հյուրընկալեց ԱՄՆ Դեսպան Լին Մ․ Թրեյսին և հանրային կապերի գրասենյակի ղեկավար Լիա Միլլերին: