«Վարագույրները փակ են. կարելի է անկեղծանալ ինքներս մեզ հետ, դարձյալ լսել արդեն ծերացող հարցն ու փորձել պատասխաններ գտնել կամ, գուցե, արդարացումնե՞ր… Ու մի անտես ձեռք խունացած ու կիսաքանդ պատին սկսում է խզբզել հազարամյակների այդ հարցը`ո՞ւր ես, ադա՛մ»:
Լոռու մարզային գրադարանն այսօր համալրվեց ամերիկահայ գրող Ավիկ Դերենցի հեղինակային գրքերով։
Խորին շնորհակալություն ենք հայտնում մեր պատվավոր հայրենակից Ա. Դերենցին նվիրատվության համար և մաղթում ամենայն բարիք։
Հոկտեմբերի 20-ին Լոռու մարզային գրադարանի աշխատակիցներն այցելեցին Ս. Օհանյանի արվեստանոց: Վերջինս ներկայացրեց իր գեղեցիկ եւ բազմաբովանդակ փայտե աշխատանքները: Արվեստանոցի այցելուներին դիմավորեցին Թումանյանի հերոսներն ու կերպարները՝ Անուշը , Կիկոսը, Ձախորդ Փանոսը, Ծիտը, Անհաղթ աքլորը …: Նրա բանաստեղծությունները եւս արժանացան ուշադրության: Հնչեցին բազմաբնույթ հարցեր, որոնց Ս. Օհանյանը տվեց սպառիչ եւ հագեցած պատասխաններ:
Հոկտեմբերի 19-ին Լոռու մարզային գրադարանում հյուրընկալվեցին Վանաձորի թիվ 1 դպրոցի IV բ դասարանի աշակերտները (դասղեկ՝ Ա. Զադոյան): Նրանք ներկայացրեցին Աթաբեկ Խնկոյանի կենսագրությունը, ասմունքեցին հեղինակի բանաստեղծություններից եւ բեմականացրին Խնկո Ապոր առակներից: Մանկագիր հեղինակն այսօր կդառնար 151 տարեկան: