Մարտի 22-ին Լոռու մարզային գրադարանում մեկնարկեց ֆրանկոֆոնիայի շրջանակներում անցկացվող միջոցառումների շարքը։ Առաջին միջոցառումը նվիրված էր ֆրանսիական պոեզիային։ Բանախոսը՝ Լոռու մարզային գրադարանի աշխատակից Կարեն Մանուչարյանը, համառոտ պատմական ակնարկի միջոցով ներկայացրեց ֆրանսիական պոեզիայի ծագման և զարգացման ընթացքը, անդրադարձավ գրական պարբերափուլերին։
Մարտի տասնվեցին Լոռու մարզային գրադարանում տեղի ունեցավ հայ մեծ բանաստեղծ Եղիշե Չարենցի 125-ամյակին նվիրված միջոցառում։ Բանախոսը Վանաձորի պետական համալսարանի դասախոս, բանասիրական գիտությունների թեկնածու, դոցենտ Գայանե Մալումյանն էր։ Նա ներկայացրեց Եղիշե Չարենցի «Երկու սոնետ» պոեմը, որ ոչ այնքան հայտնի է լայն շրջանի ընթերցողներին։
Մարտի տասին Լոռու մարզային գրադարանում տեղի ունեցավ կանանց միամսյակին նվիրված միջոցառում։ Ներկա էին գրադարանի աշխատակիցներ, դասախոսներ, ուսուցիչներ, արվեստագետներ։Միջոցառումը կազմակերպել էր Լոռու մարզային գրադարանի աշխատակից Լուսինե Հովասափյանը։ Գրադարանի աշխատակից Կարեն Մանուչարյանը բացման խոսքում շնորհավորեց բոլոր կանանց և աղջիկներին՝ մաղթելով անսահման սեր և երջանկություն, արևշատություն և խաղաղություն։
Չկա ավելի հեշտ բան, քան սովորական կնոջը բացառիկ կին դարձնելը։ Բավական է սիրել նրան:
Սովաժոն
Կանանց միամսյակի առթիվ այսօր Լոռու մարզային գրադարանում հյուրընկալվել էին Վանաձորի տարբեր հաստատությունների աշխատակից կանայք, որոնք մեծարվեցին գեղեցիկ գրական-երաժշտական ցերեկույթի շրջանակներում։
Սիրելի' կանայք և աղջիկներ, Լոռու մարզային գրադարանի ողջ անձնակազմը տնօրեն Կարինե Հակոբյանի գլխավորությամբ ջերմորեն շնորհավորում է ձեզ Կանանց միջազգային օրվա՝ Մարտի 8-ի առթիվ՝ մաղթելով խաղաղություն, առողջություն, բարեկեցություն, երջանկություն ու աշխատանքային հաջողություններ: Հաճախ ժպտացեք, եղեք հմայիչ ու գեղեցիկ, շրջապատված անսպառ ուշադրությամբ ու հոգատարությամբ։ Մայրության և գեղեցկության տոնին թող իրականանան ձեր բոլոր նվիրական երազանքները: