Մեդիագրագիտության սեմինար Լոռու մարզային գրադարանում
Դեկտեմբերի ութին Լոռու մարզային գրադարանում կայացավ մեդիագրագիտությանը նվիրված սեմինար։ Մասնակցում էին տարբեր համայնքային և դպրոցական գրադարանների աշխատակիցներ։ Սեմինարը վարում էր Լոռու մարզային գրադարանի հանրային կապերի և միջոցառումների բաժնի աշխատակից Սաթենիկ Սարգսյանը։
Բացման խոսք և ծրագրի նպատակ
Բացման խոսքով հանդես եկավ գրադարանի տնօրեն Հեղինե Հալիվորյանը։ Նա նշեց, որ կառավարության ծրագրով բոլոր գրադարաններում պետք է գործեն մեդիաանկյուններ։
Հեղինե Հալիվորյանը նշեց. «Մեր աշխատակիցը մասնակցել է «Մեդիագրագիտությունը գրադարաններում» ծրագրին, շահել է, և գրադարանն ստացել է գրադարանավարների հետ մեդիադասընթաց անցկացնելու հնարավորություն»։
Սեմինարի հիմնական նպատակը մեդիայի մասին ընդհանուր պատկերացում ձևավորելն է, և ցանկալի է, որ մասնակից գրադարանավարներն էլ իրենց գրադարաններում անցկացնեն նմանատիպ սեմինարներ։Մեդիագրագիտություն և գրադարանների դերը:
• Սաթենիկ Սարգսյանը նշեց, որ դասընթացը կազմվել է հենց «Մեդիագրագիտությունը գրադարաններում» ծրագրի շրջանակներում։
• Նա կարևորեց, որ գրադարաններն այլևս չեն ընկալվում զուտ իբրև գրքերի պահոցներ։ Գրադարանները ևս պետք է հաղորդ լինեն մեդիաոլորտի նորարարություններին և ակտիվ պայքար մղեն ապատեղեկատվության դեմ։
Թեստավորում և հիմնական հասկացություններ
• Դասընթացավարը մասնակիցներին բաժանեց գնահատման փոքրիկ թեստեր՝ մեդիայի հիմնական հասկացություններին վերաբերող։
• Թեստային հատվածից հետո Սաթենիկ Սարգսյանն անդրադարձավ մեդիայի հիմնական հասկացություններին՝ նշելով, որ մեդիան մերօրյա մարդու համար տեղեկատվության փոխանցման հիմնական աղբյուրն է։
• Ներկայացվեցին մեդիայի զարգացման փուլերը՝ սկսած հնագույն ժայռապատկերներից մինչև մեր ժամանակների գերզարգացած մեդիադաշտը։ Քննադատական մտածողություն և ապատեղեկատվության դեմ պայքար
Մեդիագրագիտության կարևոր գործառույթներից է քննադատական մտածողության զարգացումը։
• Հմտություններ: Փաստերի համադրում, երևույթը տարբեր տեսանկյուններից լուսաբանելու կարողություն։
• Դասընթացավարն ասվածը ցույց տվեց գործնականում՝ լուսանկարների և տեսանյութերի ցուցադրմամբ։
• Սեմինարի ընթացքում ներկայացվեցին մեդիագրագիտության հինգ հիմնական հարցերը և ապատեղեկատվությունից, կեղծ լուրերից խուսափելու միջոցները։
• Ուշադրություն պետք է դարձնել «ճչացող» վերնագրերով նյութերին։
• Կարևոր է ստուգել, թե ինչ աղբյուրից է տարածվում լուրը, արդյո՞ք այն պաշտոնական է։
• Ամփոփում: Մեդիան միշտ ներկայացնում է հաղորդակցության միջնորդավորված տեսակը, և մեդիայի ասելիքը միշտ որոշակի շահ է հետապնդում։ Փաստերի ստուգում և գործնական աշխատանք
• «Փաստերի ստուգում» թեմայով դասընթացը և գործնական աշխատանքը վարեց Լիլիթ Խաչատրյանը։
• Նա անդրադարձավ համացանցում առկա տվյալների բազաներին և դրանք արդյունավետ օգտագործելու եղանակներին։
• Կազմակերպվեց նաև հետաքրքիր խաղ, որի շրջանակներում մասնակիցները ժամանակակից համացանցային լեզվով վերապատմեցին «Կարմիր գլխարկը»հեքիաթը։
Ավարտ
Սեմինարի ավարտին ներկայացվեց ապատեղեկատվությունների տարածման և դրանցից խուսափելու մասին պատմող տեսանյութ։