Լոռու մարզային գրադարանի և Գյումրիում Ռուսաստանի գիտության և մշակույթի կենտրոնի Լոռու մարզի կոնտակտային կենտրոնի (ղեկավար` Վախթանգ Մելիքսեթյան) համագործակցության շրջանակներում այսօր գրադարանում տեղի ունեցավ միջոցառում` նվիրված Ֆ. Մ. Դոստոևսկու «Ոճիր և պատիժ» ստեղծագործության հոբելյանական տարվան։
ՄԻՋՈՑԱՌՈՒՄՆԵՐ
Այսօր Լոռու մարզային գրադարանում տեղի ունեցավ ՀՀ ժողովրդական արտիստ Ռաֆայել Քոթանջյանի ծննդյան օրվան նվիրված միջոցառում-կինոդիտում: Ներկայացվեցին Գուրգեն Խանջյանի սցենարով նկարահանված «Ազատ շուկա» մանրապատումաշարի այն դրվագները, որտեղ գլխավոր գործող անձանց մարմնավորել էր Ռաֆայել Քոթանջյանը: Ներկաները խոսեցին մանրապատումների գաղափարական շեշտադրումների, արդիականության, քոթանջյանական խաղի առանձնահատկությունների մասին: Ներկաները հատուկ ընդգծեցին այն հանգամանքը, որ մեծ արտիստը երգիծանքի հնարներով հմտորեն գունավորում է բացասական տիպերը:
Այսօր Լոռու մարզային գրադարանում տեղի ունեցավ Գերմանիայում բնակվող մեր համաքաղաքացի Նաիրա Քոչարյանի անդրանիկ` «Ցավից այն կողմ» գրքի շնորհանդեսը։ Հեղինակը խոսեց իր կյանքի, ստեղծագործական ուղու, աշխատանքային գործունեության մասին։ Ներկաներն ընթերցեցին Նաիրա Քոչարյանի ստեղծագործությունները, հեղինակին ուղղեցին իրենց հարցերը։
Այսօր Լոռու մարզային գրադարանում տեղի ունեցավ «Ստեղծագործում են փոքրիկ արվեստագետները» խորագրով ցուցահանդեսի բացումը, որի մասնակիցները Լոռու մարզային գրադարանի նկարչության խմբակի սաներն էին (ուսուցչուհի` Օֆելյա Զալինյան)։
Փոքրիկ նկարիչները պարգևատրվեցին պատվոգրերով, քաղաքի արվեստագետների կողմից արժանացան գովեստի խոսքերի։
Այսօր Լոռու մարզային գրադարանում հյուրընկալվել էր ՀՀ ԱՆ Ինֆեկցիոն հիվանդությունների ազգային կենտրոնի ներկայացուցիչ Մարինե Ասրյանը, որը խոսեց ՄԻԱՎ/ՁԻԱՀ-ի կանխարգելման մասին։ Ներկաներն ուղղեցին իրենց հետաքրքրող հարցերը թեմայի վերաբերյալ, ստացան սպառիչ պատասխաններ։