ՄԻՋՈՑԱՌՈՒՄՆԵՐ

Խաղ-վիկտորինա Լոռու մարզային գրադարանում

<<Թումանյանական շաբաթ>> միջոցառումների շրջանակներում այսօր` փետրվարի 22-ին, Լոռու մարզային գրադարանում տեղի ունեցավ Հովհաննես Թումանյանի կյանքին և ստեղծագործությանը վերաբերող խաղ-վիկտորինա, որին մասնակցում էին Վանաձորի թիվ 1, 6, 8, 19 և 20 դպրոցների 3-րդ և 4-րդ դասարանների աշակերտները։

Գրքի տոնը «Անհաղթ աքլոր» մանկական-մշակութային կենտրոնում

Փետրվարի 19-ին Վանաձորի Հովհաննես Աբելյանի անվան պետական դրամատիկական թատրոնը Գիրք նվիրելու օրվա կապակցությամբ անակնկալ մատուցեց Լոռու մարզային գրադարանին կից գործող  Անհաղթ աքլոր մանկական-մշակութային կենտրոնի սաներին` նրանց նվիրելով գեղեցիկ պատկերազարդ գրքեր: Շնորհակալ ենք մեր բարեկամ թատրոնին հաճելի անակնկալի համար։

ԳԻՐՔ ՆՎԻՐԵԼՈՒ ՕՐ

Գիրք նվիրելու օր - Հայաստանում և Արցախում 2008 թվականից նշվող նախաձեռնություն։ Օրը նշվում է յուրաքանչյուր տարի՝ փետրվարի 19-ին՝ ամենայն հայոց բանաստեղծ Հովհաննես Թումանյանի ծննդյան օրը։ Տարեցտարի տոնն ավելի մեծ ժողովրդականություն է ձեռք բերում՝ մեծ արձագանք գտնելով հանրության շրջանում և ստանալով համազգային բնույթ: Փետրվարի 19-ը՝ որպես գիրք նվիրելու օր, սահմանվել է ՀՀ գրողների միության նախկին նախագահ Լևոն Անանյանի նախաձեռնությամբ և ՀՀ կառավարության որոշմամբ։

Գրքի շնորհանդես

Այսօր Լոռու մարզային գրադարանում տեղի ունեցավ մանկավարժ, հոգեբան Նորա Ահարոնյանի «Կարոտի հուշեր» գրքի շնորհանդեսը: Ներկա էին գրադարանի աշխատակիցները, Նորա Ահարոնյանի մտերիմները, գրականությամբ հետաքրքրվող անձինք: Միջոցառումը վարում էր գրադարանի աշխատակից Կարեն Մանուչարյանը: